Fazliji nënshkruan kontratë të re me St. Gallen

18:45 | 28 Maj 2020
Arditë Shkodra

Mesfushori i talentuar shqiptar, Betim Fazliji ka nënshkruar kontratë të re me klubin e St. Gallenit.

Lajmin e ka bërë të ditur vetë lojtari me prejardhje nga Presheva në rrjetin social facebook.

Fazliji ka nënshkruar edhe për tre sezona me klubin e drejtuar nga Peter Zeidler.

“Përshëndetje fansa të dashur. Jam shumë i lumtur që sot kam zgjatur kontratën me St. Gallen deri në vitin 2023. Shumë faleminderit klubit dhe kryesisë së FC St. Gallen për besimin e dhënë”.

“Pres që me klubin dhe tifozët të kemi një sezon të suksesshme, emocionuese dhe të bukur. Gjithashtu një falenderim i madh për familjen, miqtë dhe sigurisht këshilltarët e mi”, ka shkruar Fazliji në facebook.

Shpërndaje në rrjete sociale

Lajmet më të lexuara

Të ngjashme

Foto lajm